FA MISY...
Fa misy…
Misy hery tsy hay tohaina mamerimberina ny antsony
Mivoaka avy ao ampasana ao ka miampita koa ny akony
Dia antsoantso mampatsiahy ny finoana miezinezina
Tsy maty momoka tsy akory, na lavo aza ny andrarezina
Koa ny alokon’ny lasa izay mitanisa fahalovana
Tsy handitsoka ny maso na hamafa fahatsiarovana
Fa ireo rafitry ny dia sy ny taona nifanesy
No anononanay ny antsa “Ilay maty no Mpandresy”
Lalao Rakotonirainy